Income Tax Rules: మనం ఇంట్లో ఎంత నగదు ఉంచుకోవచ్చు? ఆదాయపు పన్ను చట్టం ఏం చెబుతోంది?

ఇంట్లో నగదు నిల్వపై ఐటీ శాఖ నియమాలు – మీరు తెలుసుకోవలసిన విషయాలు |Income Tax Rules

మనం ఇంట్లో ఎంత నగదు ఉంచుకోవచ్చో అనేది చాలా మందికి సందేహం కలిగించే విషయం. ప్రపంచం డిజిటల్ వైపు పరుగులు తీస్తున్నా చాలామంది ఇప్పటికీ నగదే సురక్షితమని భావించి ఇంట్లో డబ్బు ఉంచుకుంటున్నారు. అయితే Income Tax Rules పరంగా చూస్తే ఇంట్లో నగదు ఉంచుకోవడంపై ఆదాయపు పన్ను శాఖ ఎటువంటి పరిమితిని నిర్ణయించలేదు. మీరు కావాలనుకుంటే పది వేలు అయినా పది లక్షలు అయినా ఇంట్లో ఉంచుకోవచ్చు. కానీ ముఖ్యమైన విషయం ఏమిటంటే ఆ నగదు మూలం మీరు నిరూపించగలగాలి. జీతం, వ్యాపార ఆదాయం, లేదా చట్టబద్ధమైన లావాదేవీలలో వచ్చిన డబ్బు అయితే సమస్య ఉండదు. కానీ లెక్కలు చెప్పలేని డబ్బు ఉంటే ఐటీ శాఖ దానిని ప్రకటించని ఆదాయంగా పరిగణిస్తుంది.

ఆదాయపు పన్ను చట్టంలో కొన్ని ప్రత్యేకమైన నిబంధనలు ఉన్నాయి. సెక్షన్ 68 ప్రకారం మీ బ్యాంక్ పాస్‌బుక్ లేదా క్యాష్‌బుక్‌లో నమోదు చేసిన డబ్బుకు మూలం వివరించలేకపోతే అది అప్రకటిత ఆదాయంగా పరిగణిస్తారు. Income Tax Rules సెక్షన్ 69 ప్రకారం లెక్కలు లేని నగదు లేదా పెట్టుబడులు ఉంటే అవి వెల్లడించని ఆదాయంగా పరిగణిస్తారు. సెక్షన్ 69B ప్రకారం మీరు ప్రకటించిన ఆదాయానికి మించి ఆస్తులు లేదా నగదు కలిగి, వాటి మూలాన్ని నిరూపించలేకపోతే పన్నులు, జరిమానాలు విధిస్తారు.

సాధారణంగా చెప్పాలంటే ఇంట్లో ఎంత మొత్తంలోనైనా నగదు ఉంచుకోవడం చట్టవిరుద్ధం కాదు. కానీ ఆ డబ్బు ఎక్కడి నుంచి వచ్చింది అన్నది స్పష్టమైన రికార్డులు చూపించగలగాలి. ఐటీ రైడ్స్‌లో లెక్కలు లేని డబ్బు దొరికితే అది సమస్యలకు దారితీస్తుంది. కాబట్టి డబ్బు ఇంట్లో ఉంచుకోవడంలో పరిమితి లేకపోయినా దానికి సంబంధించిన ఆధారాలు తప్పనిసరిగా ఉండాలి.