Personal Loan Tips ఈ టిప్స్ పాటిస్తే పర్సనల్ లోన్ రిజెక్ట్ కావడం అసంభవం | Personal Loan Tips
పర్సనల్ లోన్ (Personal Loan) అనేది అత్యవసర పరిస్థితుల్లో ఉపయోగపడే ముఖ్యమైన ఫైనాన్షియల్ ఆప్షన్. కానీ చాలా మంది లోన్కి అప్లై చేస్తే వెంటనే ఆమోదం రాదు. మరికొందరికి మాత్రం గంటల్లోనే లోన్ సాంక్షన్ అయిపోతుంది. దీనికి కారణం ఏమిటి? నిజానికి బ్యాంకులు కొన్ని ముఖ్యమైన అంశాలను పరిశీలిస్తాయి. ఆ క్రైటీరియాలు మీరు ఫాలో అయితే, వద్దన్నా బ్యాంకులు మీకు లోన్ ఇస్తాయి. ఇప్పుడు ఆ Personal Loan Tips ఏమిటో చూద్దాం.
లోన్ ఆమోదం పొందడానికి క్రెడిట్ స్కోర్ కీలకం. సాధారణంగా 750 పైగా స్కోర్ ఉంటే బ్యాంకులు మీ అప్లికేషన్ని సీరియస్గా తీసుకుంటాయి. ఈ స్కోర్ పెంచడానికి EMIలు టైమ్కి చెల్లించడం, క్రెడిట్ కార్డ్ బకాయిలను క్రమంగా క్లియర్ చేయడం, ఆలస్యం లేకుండా బిల్లులు చెల్లించడం తప్పనిసరి. స్కోర్ బాగుంటే మీరు రుణం తీర్చగలరనే నమ్మకం బ్యాంక్కి వస్తుంది.
గవర్నమెంట్ ఉద్యోగులు లేదా మినిమం మూడు సంవత్సరాలు ప్రైవేట్ కంపెనీలో పనిచేసిన వాళ్లకి లోన్ మంజూరు అవ్వడం సులభం. ఎందుకంటే బ్యాంక్కి మీరు స్టేబుల్ ఉద్యోగి అన్న నమ్మకం వస్తుంది. బిజినెస్ చేస్తున్నవారు తప్పనిసరిగా ఆడిట్ అకౌంట్స్, ITR ఫైల్ చేసి ఉండాలి. ఈ డాక్యుమెంట్స్ ద్వారా మీ ఆర్థిక స్థితి స్పష్టమవుతుంది.
ఇప్పటికే తీసుకున్న చిన్నచిన్న రుణాలు ఉంటే వాటిని ముందుగా తీర్చేయడం మంచిది. EMI భారం తక్కువైతే కొత్త లోన్ ఆమోదం సులభం అవుతుంది. ఒకేసారి చాలా రుణాలు పెండింగ్లో ఉంటే బ్యాంకులు కొత్త లోన్ ఇవ్వడానికి సంకోచిస్తాయి.
లోన్ అప్లికేషన్ సమయంలో సాలరీ స్లిప్స్, బ్యాంక్ స్టేట్మెంట్స్, ITR, ఐడీ ప్రూఫ్స్ తప్పనిసరి. బిజినెస్ అయితే GST ఫైలింగ్, ఆడిట్ అకౌంట్స్ కూడా అవసరం. అన్ని డాక్యుమెంట్స్ పూర్తి ఉంటే ప్రాసెస్ వేగంగా జరుగుతుంది.
బ్యాంకులు ఈజీగా లోన్ ఇస్తున్నాయ్ కాబట్టి అవసరం లేకుండా తీసుకోవడం మంచిది కాదు. EMIలు, వడ్డీలు భవిష్యత్తులో ఆర్థిక భారంగా మారతాయి. ముఖ్యంగా రీపేమెంట్లో ఆలస్యం చేస్తే క్రెడిట్ స్కోర్ తగ్గుతుంది. కాబట్టి నిజంగా అత్యవసర పరిస్థితుల్లో మాత్రమే లోన్ అప్లై చేయాలి.
మొత్తంగా చెప్పాలంటే, క్రెడిట్ స్కోర్ మెరుగ్గా ఉంచడం, స్థిరమైన ఆదాయం ఉండటం, పాత రుణాలను క్లియర్ చేయడం, డాక్యుమెంట్స్ పూర్తి చేయడం వంటి విషయాలు పాటిస్తే ఎలాంటి బ్యాంక్ అయినా మీకు లోన్ ఇవ్వడానికి ముందుకు వస్తుంది. కానీ గుర్తుంచుకోవాల్సిన విషయం ఏంటంటే, అవసరమున్నప్పుడే లోన్ తీసుకోవాలి.